لو يوم أجازتك بيعدي من غير ما تحس إنك استمتعت فعلًا، يبقى اقرأ البوست ده 🌟

من الحاجات اللي لفتت انتباهي جدًا وأنا بقرأ كتاب مؤخرًا، هي فكرة التخطيط لوقت الفراغ📔

إحنا غالبًا بنقع في نفس الغلطة❌:
بنقول هو أنا كمان هخطط لوقت الترفيه؟!
لما ييجي وقتها هعمل اللي أنا عايزاه وخلاص.

والنتيجة؟ اليوم بيخلص وإحنا معملناش حاجة تُذكر🤦

الكتاب اتكلم عن دراسة اتعملت على كبار السن، ولقوا إن جودة حياتهم وصحتهم النفسية اتحسنت بشكل واضح لما بدأوا يقضوا وقت أجازتهم بره البيت🏠

وده بيوصلنا لنقطة مهمة:
مهما كان سنك أو ضغط شغلك… أنت محتاج وقت ترفيه حقيقي🎉

بس الفكرة مش إنك تملى اليوم خطط معقدة، ويكون تخطيط مبالغ فيه.

الفكرة إنك تبقى عارف ناوي تعمل إيه علشان اليوم ميروحش منك💥

وقال إن من أكتر الحاجات اللي بتفرق في يوم الأجازة:

نشاط بدني (حتى لو بسيط)🏃
قعدة حلوة مع العيلة أو الصحاب🫂
خروجة أو هواية بتحبها🤍

في الآخر، كل واحد أدرى بنفسه وإيه اللي بيريّحه فعلًا☺️

بس الأكيد إن التوازن بين شغلك وحياتك مش رفاهية، ده حاجة أساسية👌

قولّي بقى… إيه أحلى حاجة بتحب تعملها في يوم أجازتك؟ 💬

#Content_With_Gilan

المحتوى المكتوب