الحوار ده بينى وبين حد كلمني على إعلان ممول لعيادة، وكان بيسألني عن إعلان لمدة ٣ أيام بميزانية ١٥٠ جنيه:

الحوار ده بينى وبين حد كلمني على إعلان ممول لعيادة، وكان بيسألني عن إعلان لمدة ٣ أيام بميزانية ١٥٠ جنيه.

وضحتله إن الـ ٣ أيام دول في الغالب بيكونوا فترة الـ Learning، وإن الميزانية دي ممكن تخلص من غير ما الإعلان ياخد فرصته الحقيقية ويحقق نتيجة كويسة.

يعني ببساطة لو الهدف إننا نعمل إعلان ونستفيد منه، الأفضل نحط ميزانية ومدة مناسبة بدل ما نصرف الفلوس وخلاص.

وإن لو مش هتقدر يبقى الأفضل عدم عمل الإعلان دلوقتى.

المفاجأة بقى إن الشخص رد وقال إن فى حد قاله هيعمله الإعلان بـ ١٥٠ جنيه لمدة ٣ أيام، وإن لما الإعلان يحقق نتائج يبقى نزود الميزانية شويه.

وهنا المشكلة للأسف في ناس بتشتغل بمنطق:
“المهم أعمل الإعلان وآخد فلوسي”

من غير ما تفكر هو الإعلان ده هيحقق للعميل نتيجة فعلًا ولا لأ.

بس أنا شايفة إن دوري مش إني أصرف فلوس العميل وخلاص، دوري إني أقوله إيه اللي في مصلحته حتى لو ده معناه إنه يقولى إن فى حد تانى يقدر يعمل ده.

حابة أعرف رأيكم من الطرفين 👀

1️⃣ لو إنت مكان صاحب البيزنس: هتختار الميزانية الأرخص وتبدأ؟
ولا هتختار حد يقولك بصراحة إيه الأنسب لإعلانك؟

2️⃣ ولو أنت Media buyer اشتغلت قبل كده مع حد في الإعلانات وحصل معاك موقف مشابه، احكيلنا تجربتك في الكومنتات 💬

خلونا نستفيد من تجارب بعض، خصوصًا إن موضوع الإعلانات الممولة فيه تجارب كتير جدًا تستاهل تتحكي🤝

#Content_With_Gilan #Media_Buying #Meta_Ads