لا تنشر محتواك إلا بعد هذه الخطوة:

⬅️خلصت شغل وكتبت المحتوى سيبه بقى دلوقتى وبعد فترة أو تانى يوم ارجع اشتغل عليه تانى وابدأ مرحلة التعديلات أو الـ Editing.

⏪ودى خطوة مهمة جدا لازم تقوم بها فى مراحل شغلك فى كتابة المحتوى.

⏪بتكون بعد الانتهاء من الكتابة والهدف منها هو تحسين كوالتى أو جودة المحتوى.

☑بتشتغل على إيه أو بتراجع إيه فى خطوة التعديلات هقولك بالتفصيل: #

١- خد استراحة بسيطة بعد الانتهاء من كتابة المحتوى لأن التباعد الزمنى ده بيساعدك أنك تشوف المحتوى بشكل جديد.

٢- اتأكد أنه خالى من الأخطاء الإملائية.

٣- اتأكد من وجود علامات الترقيم لأنها بتفرق جدا فى وصول المعنى.

٤- اتأكد من المحتوى متوافق مع البراند فويس الخاصة بالعلامة التجارية.

٥- اتأكد من تنسيق المحتوى وخصوصا لو كنت بتقدم Content Writing بيكون أطول نسيبا خلى فى مسافة بين كل فقرة والتانية، اتأكد أن الأفكار كلها مترابطة.

٦-ابدأ اختصر فى المحتوى واحذف أى كلمات لو شيلتها مش هتأثر على المعنى.

✅وبإجراء التعديلات دى هتحسن من جودة محتواك وتضمن أنه جاهز للنشر.

📍لو المعلومات دى مفيدة اعمل شير ومنشن علشان تفيد غيرك وقولى رأيك فى التقييمات..