مش لاقي شغل… وبدأت أفكر أسيب المجال؟🤦

مش لاقي شغل… وبدأت أفكر أسيب المجال؟🤦

بشوف الجملة دي كتير جدًا على جروبات الديجيتال ماركيتنج، وحبيت أكتب البوست ده يمكن يكون سبب إن حد يغير طريقة تفكيره.

أول حاجة لازم تبقى عارفها…

**إنك تلاقي شغل أو عميل في مجال فيه منافسة كبيرة زي الديجيتال ماركيتنج مش بيحصل في يوم وليلة.**

ومش هقولك خد كورس، ولما تخلصه هتشتغل تاني يوم، لأن ده ببساطة مش حقيقي.

لكن أقدر أقولك إن فيه خطوات لو عملتها، هتكون فعلًا عملت اللي عليك، وبعدها توكل على ربنا واسعى، والنتيجة هتيجي في وقتها بإذن الله.

1️⃣اتقن المهارة اللي بتقدمها:

مش لازم تبقى Senior، لكن لازم تكون فاهم الخدمة كويس، ودارسها بشكل صحيح، مش معتمد على كام فيديو أو بوست قريتهم.

2️⃣طبق بإيدك:

حتى لو مع نفسك.
اعمل مشاريع، جهز Portfolio، واكتسب خبرة وثقة قبل ما يكون أول شغل ليك مع عميل.

3️⃣تابع السوق باستمرار:

المجال بيتغير بسرعة، فاسأل نفسك:
**إيه المهارات المطلوبة دلوقتي؟**
كل ما تطور نفسك وتتعلم حاجة السوق محتاجها، هتكون فرصك أكبر وقيمتك أعلى.

4️⃣اعمل Personal Branding لنفسك:

أنت كمان Brand.
وده يبدأ من:

* انزل محتوى يفيد الناس ويظهر خبرتك.
* اهتم بحسابك على LinkedIn لأنه من أهم منصات التوظيف.
* اتعلم تسعر شغلك وتكتب Proposal بشكل احترافي.
* اختار العملاء اللي يضيفوا ليك، مش أي شغل وخلاص.

5️⃣ابنِ شبكة علاقات:

متبقاش منعزل، كتير من الناس اللي اشتغلت معاهم أو رشحوني لشغل، اتعرفت عليهم أونلاين من خلال التفاعل على المحتوى وتبادل الخبرات.

العلاقات في المجال بتفتح فرص كتير جدًا.

وفي الآخر…

**الصبر والاستمرارية مش كلام تحفيزي… دي حقيقة.**

كل شخص نجح في المجال ده كان في يوم من الأيام بيدور على أول فرصة.

اعمل اللي عليك، وطور من نفسك، ومتستعجلش النتيجة.

ولو حسيت بالإحباط، افتكر إن تأخر النتيجة مش معناه إنك ماشي في الطريق الغلط.

📍ولو حابب تبدأ بشكل منظم، وتتعلم أكتر من مهارة مطلوبة في السوق، وتطبق عملي، وتجهز Portfolio، وتتعلم إزاي توصل للعملاء والشركات…

✅كورس ** السوشيال ميديا** هيساعدك تبدأ بالطريقة الصح، وتطبق عملى وتكون Portfolio.

مناسب لأي شخص حابب يبدأ أو يطور مستواه.

⛔لينك الكورس على المنصة: https://contentwithgilan.com/courses/professional-digital-marketing/

💬 **وشاركني في التعليقات…**
إيه أكتر نقطة من الخمسة حاسس إنها محتاجة تشتغل عليها الفترة الجاية؟

1️⃣ تعلم المهارة.
2️⃣ التطبيق والـ Portfolio.
3️⃣ متابعة السوق.
4️⃣ الـ Personal Branding.
5️⃣ بناء العلاقات.

#Content_With_Gilan #Freeklance