الأم المصرية… قوة مفيش زيها ❤️:
في وسط كل مرة كنت بروح فيها أقدّم تدريب السوشيال ميديا لطلاب الجامعة الكندية كلية الإعلام، كان في مشهد بيتكرر قدامي كل مرة وبيلفت انتباهى وإعجابى جدًا…🙏
أم مصرية جاية مع ابنها من ذوي القدرات الخاصة… مش بس بتوصّله وتمشي، لا… دي قاعدة معاه طول اليوم فى كل محاضرة من أولها لآخرها، بتسجل، بتفهم، وبترجع تذاكر معاه كإنها هي كمان طالبة زيه بالظبط 💙
المشهد ده خلاني أقف مع نفسي لحظة وأسأل:
إزاي عندها كل القوة دي؟
كل الصبر ده؟
وكل الإصرار إنها مش بتتعامل مع ابنها كحالة صعبة أو مشكلة… بالعكس، شايفة فيه فرصة وبتقاتل عشان تساعده ينجح ويتطور ويكون أحسن نسخة من نفسه 💙
الأم المصرية فعلًا هي سند، وهي مدرسة، وهي قصة كفاح لوحدها 👏
تحية تقدير واحترام لكل أم بتتعب، بتسهر، بتتعلم علشان أولادها، وبتكمل الطريق مهما كان صعب… إنتوا فعلاً بطل الحكاية الحقيقي ❤️
ولو إنتي أم… فاعرفي إن تعبك ده مش بيضيع، وإن وجودك فرق كتير في حياة أولادك.
اعمل شير للبوست علشان يوصل لكل أم محتاجة كلمة دعم، ومنشن لأم تعرفها وتستحق إنها تسمع الكلام ده النهاردة 🤍
آخر تحديث في: 2026-04-18