اليوم الأول من تدريب طلاب كلية الإعلام الجامعة الكندية على فهم السوشيال ميديا وتأثيرها واستخدامها:
سعدت جدًا بتكرار التعاون مع الجامعة الكندية CIC – كلية الإعلام 
وده تاني تعاون ليا معاهم في تقديم دورات تدريبية عملية لطلبة الكلية، بتكون دايمًا مليانة تفاعل 
والتدريب عن Social Media Ethics – أخلاقيات السوشيال ميديا.
وفى أول يوم قبل ما ندخل في الأخلاقيات بشكل مباشر، بدأنا من الأساس:
إزاي نفهم السوشيال ميديا صح ونشوفها بشكل أعمق من مجرد استخدام يومي 
اتكلمنا عن:
إزاي السوشيال ميديا بتأثر علينا نفسيًا وسلوكيًا.
أنواع وأشكال المحتوى على السوشيال ميديا (تعليمي – ترفيهي ـ تسويقي – توعوي) وإزاي كل نوع ليه استخدامه وتأثيره.
إزاى تحدد هدف المحتوى وتساعده على الانتشار.
الفرق بين الاستخدام الـ Personal والـ Professional.
يعني إيه Personal Branding وإزاي كل واحد فينا بيبني صورة لنفسه أونلاين.
مفهوم الـ Digital Footprint وإزاي أي حاجة بننشرها بتفضل ليها أثر حتى بعد ما نمسحها.والجميل جدًا إن الطلاب كان عندهم تفاعل وأسئلة بتعكس وعي كبير
اليوم الأول كان تمهيد مهم جدًا للرحلة اللي هنكمل فيها على مدار (٣) أيام عن الأخلاقيات، المحتوى، والتطبيق العملي بشكل واقعى يماثل الشغل الحقيقي 
لسه مكملين في بوستات جاية عن اليوم التاني والتالت من التدريب، فلو في حاجة حابب نفهمها سوا قولها فى التعليقات وهرد عليك.
ولو فى نقطة من اللى اتكملنا عنها محتاج تعرف عنها أكتر أو تطبقها بشكل عملى تقدر تسجل فى كورس السوشيال ميديا.
آخر تحديث في: 2026-04-21