🎯 سلسلة طريقك للشغل في السوشيال ميديا | الخطوة الخامسة ✨

طبقت وبدأت تبني خبرتك… طيب هتوري شغلك للناس إزاي؟ 🤔

لو ماشي معايا خطوة بخطوة في السلسلة، في الخطوة الرابعة اتكلمنا عن أهمية التطبيق.

وقلنا إنك مش لازم تستنى أول عميل علشان تبدأ تكتسب خبرة 👌

ممكن تطبق على مشروع افتراضي، أو بيزنس موجود، أو حتى مشروع خاص بيك.

🎯 طيب بعد ما بدأت تطبق وبقى عندك شغل… هتثبت خبرتك للعميل إزاي؟

هنا ييجي دور الـ Portfolio 📂

الـ Portfolio ببساطة هو المكان اللي بتعرض فيه شغلك علشان أي عميل أو شركة يقدر يشوف:

✅ إنت بتعرف تعمل إيه.

✅ مستوى شغلك عامل إزاي.

✅ المشاريع اللي اشتغلت عليها.

🎯 والأهم… مش لازم تستنى لما تشتغل مع عملاء كتير علشان تعمل Portfolio.

وده سبب إننا في الخطوة اللي فاتت قلنا: ابدأ طبق من دلوقتي.

لأن التطبيقات والمشاريع اللي بتعملها أثناء التعلم ممكن تكون بداية الـ Portfolio👌

✅ يعني رحلتك ماشية بالشكل ده:

اتعلم ⬅️ طبق ⬅️ قيّم شغلك وطوره ⬅️ ابنِ خبرتك ⬅️ اعرض شغلك في Portfolio 📂

📌 لو عايز تعرف إزاي تعمل Portfolio وأنت لسه مبتدئ، اضغط على لينك الفيديو بشرح فيه البورتفوليو بالتفصيل👌

1️⃣ إزاى تجهز Portfolio على موقع Canva يكون Pdf:

2️⃣ إزاى تجهز Portfolio على موقع Canva يكون Website:

👈 ولو لسه مش متابع الخطوات اللي فاتت من سلسلة طريقك للشغل في السوشيال ميديا، هتلاقيها كلها موجودة، ابدأ من الخطوة الأولى وامشي معايا خطوة بخطوة 🚀

#Content_With_Gilan #طريقك_للشغل_في_السوشيال_ميديا #Digital_Marketing #Social_Media #Freelance

المحتوى المكتوب