من صور حقيقية لمنتجات العميل… لفيديو تسويقي احترافي بالـAI:

الفيديو اللي قدامكم ده معمول باستخدام صور من تسليمات حقيقية للعميل، لكن لو ركزتوا هتلاقوا إن الموضوع مش مجرد تجميع صور في فيديو.

المطبخ هنا مليان تفاصيل كتير جدًا، وده اللي بيظهر قوة استخدام أدوات الذكاء الاصطناعي بشكل احترافي.

في حالة عميل زي Zed Kitchen اللي بدير له السوشيال ميديا بشكل كامل، مع الوقت المطابخ الموجودة في المعرض بقت محدودة، والجمهور شاف جزء كبير منها أكتر من مرة.

وطبعًا مش كل فترة بيكون متاح مطابخ جديدة بنفس العدد اللي محتاجينه لإنتاج محتوى فيديو بشكل مستمر واستخدامه في التسويق.

فكان لازم أدور على حل يخلينا نستمر في تقديم محتوى فيديو احترافي بدون الاعتماد الكامل على وجود مطابخ جديدة في المعرض أو جلسات تصوير متكررة.

الخامات، الألوان، الإضاءات، الوحدات، زوايا التصميم، والتفاصيل الصغيرة اللي بتوضح جودة الشغل… كلها عناصر كان لازم تفضل واضحة وتحافظ على شكلها الحقيقي داخل الفيديو.

وكان التحدي الحقيقي إزاي نحافظ على كل التفاصيل دي ونحولها لفيديو تسويقي احترافي يلفت الانتباه ويبرز جودة المنتج بشكل قوي.

وده اللي بدأت أطبقه باستخدام أدوات الذكاء الاصطناعي في إنتاج الفيديوهات التسويقية.

وبكده قدرنا نعرض مطابخ جديدة من التسليمات الفعلية لعميل، ونبرز جودة شغله بشكل احترافي، وفي نفس الوقت نقلل التكلفة على العميل من ناحية التصوير والمونتاج.

النتيجة؟

فيديو احترافي يوضح جودة الشغل، ويوصل الرسالة التسويقية، ويخلي المنتج هو بطل المشهد حتى لو معندناش جلسة تصوير جديدة.

📩 ولو عندك منتج أو خدمة وعايز تقدمها بشكل احترافي بدون تكلفة تصوير ومونتاج كبيرة، اكتب مهتم على الواتساب وهبعتلك تفاصيل الخدمة.

#Content_With_Gilan #AI