دردشة فريلانسرز، خلاصة تجربتي مع شغل الفريلانس بعد فترة طويلة…⏳

دردشة فريلانسرز 💬

خلاصة تجربتي مع شغل الفريلانس بعد فترة طويلة…⏳

1️⃣ عدد ساعات العمل ⏰:
في الأول (ولسنين بصراحة) كنت بشتغل تقريبًا طول اليوم!
ميزة الشغل من البيت خلت مفيش حدود واضحة… وده وصلني لمرحلة إني فاتحة اللاب ومش قادرة أركز فعلًا.

دلوقتي بحاول أظبط الموضوع:
لو مفيش حاجة urgent بخلص في وقت محدد وأقفل.

2️⃣ الأجازات 📅:
زمان وأنا شغالة Full-time كنت باخد أجازات أكتر بكتير 😄
إنما في الفريلانس مفيش “أجازات رسمية” بشكل تلقائي.

فبقيت أنا اللي بفرض ده على نفسي:
☑️ يوم الجمعة Off (على قد ما أقدر).

☑️ أجازة العيد.

3️⃣ الواتساب 📩 (أصعب حاجة🤦):
حتى لو قررت تفصل… رسالة واحدة ممكن ترجعك للشغل تاني 😅

أنا بحب أرد بسرعة، بس بقى لازم أحط حدود:

⛔ مش كل وقت مناسب للرسائل.
⛔ والرد مش لازم يكون فوري طول اليوم، ده بقى ضروري علشان تعرف تكمل وتحافظ على تركيزك.

4️⃣ التفكير في أكتر من مشروع 🧠:
أكتر حاجة بتعمل “تهنيج” حرفيًا 😅
تبقى عايز تبدأ في 3 حاجات مرة واحدة ومش عارف تبدأ منين!

🎯الحل اللي نفع معايا:
✅ أكتب كل حاجة.
✅ أحدد الأولويات.
✅ أشتغل على واحدة (أو بالكتير 2).

وكل ما أخلص حاجة وأعلم عليها… الإحساس بيبقى حلو جدًا 👌

5️⃣ التسعير 💰:
في الأول كان ممكن أقلل من سعر شغلي علشان أضمن الشغل❌

بس مع الوقت فهمت إن ده بيتعبك وبيجيب نوع عملاء مش مناسب.

دلوقتي بحاول أسعر على قيمة الشغل والمهام والمجهود المبذول✔️

6️⃣ العملاء الصح أهم من عدد العملاء 🤝:
مش أي شغل = شغل كويس.
في عملاء بتتعبك أكتر ما بتفيدك…
فاختيار العميل بقى مهم زي ما هو بيختارك.

طولت عليكم شوية 😅

📌بس بجد حابة أعرف:

🔹إيه أكتر حاجة منهم بتعملها؟

🔹أو إيه أكبر تحدي بتقابلوه في الفريلانس؟ 💬

#Content_With_Gilan #Freelance
#جمعة_طيبة