علشان تزود مبيعاتك فى رمضان محتاج إيه‼️

رمضان فرصة ذهبية للشركات لزيادة التفاعل والمبيعات، لكن يتطلب منك التخطيط الجيد لمحتواك على السوشيال ميديا:

تحديد الهدف: هل هدفك زيادة المبيعات، بناء الوعى بالعلامة التجارية، تعزيز التفاعل

وأنصحك دايما تشتغل حملتين حملة هدفها زيادة الوعى والتفاعل للجمهور اللى لسه بيتعرف عليك.

وحملة هدفها زيادة المبيعات للجمهور اللى متابعك وبيتواصل معاك.

وطبعا كل هدف منهم له المحتوى الخاص به وهنكمل لسه فى السلسلة دى لحد قبل رمضان أفكار تساعدك فى تحقيق الهدفين على أكتر من بيزنس.

دراسة الجمهور: اعرف اهتمامات جمهورك وسلوكهم خلال شهر رمضان علشان تربطها بمنتجك أو خدمتك

اربط المحتوى بقيم رمضان: ركز على القيم الرمضانية زى العطاء والعائلة لخلق محتوى مؤثر ومرتبط بالموسم

إنشاء تقويم محتوى مناسب (Content Calendar): لازم تراعى إن استخدام جمهورك لوسائل التواصل الاجتماعى وروتينهم اليومى بيختلف فى رمضان فغالبا بتكون أكتر الأوقات اللى بيتفاعلوا فيها أوقات الفطار والسحور

اختيار نوع المحتوى المناسب: الناس فى شهر رمضان بتحب المشاهدة أكتر فحاول تستخدم مقاطع الفيديو فى الإعلان عن منتجك

التفاعل مع الجمهور: قدم عروض مميزة خاصة برمضان وممكن تعمل مسابقات وتعلن نتيجتها فى اخر الشهر هيزود من التفاعل جدا

لا تعتمد على البيع بشكل مباشر: ولكن حاول تدمج اهتمامات الناس فى شهر رمضان فى رسالتك البيعية، فالناس فى أول الشهر بتكون أكتر اهتمامتها بالمواد الغذائية ووصفات الأكل وزينة رمضان ومستلزمات الضيافة وفى النصف التانى بتهتم أكتر بملابس العيد والهدايا وكحك العيد والرحلات