مش كل إعلان عجبك يبقى نجح ويخليك تفتكره بعد كده:

مش عارفة صح ولا غلط🤔

بس بصراحة أنا مش بدخل قوي في تحليل إعلانات رمضان كل سنة.

لأنى مش بتابع التليفزيون كتير وبشوفها وأنا بسكرول على السوشيال ميديا🤳

ولأني شايفة إن أغلبها ماشي على نفس المعادلة كل سنة:

لمة + أغنية مؤثرة + مشاهد بتلعب على المشاعر🫂🎤

وده طبيعي رمضان موسم عاطفي.

🎯بس السؤال الأهم:

🔹هل الإعلان خدم العلامة التجارية فعلًا؟

🔹ولا نجح بس عشان لمس مشاعر الناس؟

✅في فرق بين إعلان (حلو).

✅وإعلان (بيبيع وبيبني صورة واضحة للبراند)✔️

💡الجمهور بقى واعي، حتى غير المتخصصين بقوا فاهمين لعبة المشاعر.

⛔وده لا يمنع إن في إعلانات قليلة جدًا قدرت تستهدف شريحة معينة،
تفهم احتياجاتها، وتربط ده بالبراند بذكاء.

بالنسبة لي الإعلان الناجح مش بس اللي يعيّطك أو يفرحك، لكن اللي يخليك تفتكر البراند بعد ما الأغنية تخلص.