اللى ميعرفش منافسيه هيفضل يخسر قدامهم:
في الكورسات اللي بقدّمها، وأنا بشرح جزء “تحليل المنافسين”، المتدربين دايمًا بيقولولي:
العميل اللي شغالين معاه مش عارف مين منافسيه أصلاً!
وهنا بوضح لهم نقطة مهمة:الموضوع مش بيبدأ من التسويق على السوشيال ميديا زي ما معظم الناس فاكرة الموضوع بيبدأ من قبل كده بكتير 
صاحب البيزنس لازم يدرس السوق كويس:
يعرف مين منافسيه.يحدد ميزة منتجه أو خدمته.يفهم جمهوره واحتياجاته.
لأن من غير ده، أي شغل تسويق على السوشيال ميديا مش هيجيب نتيجة حقيقية حتى لو اتعمل بأفضل شكل.
في البوستات الجاية هنتكلم عن نقاط تانية أساسية في بحث السوق، وكل نقطة هتفرق معاك في نجاح مشروعك.
آخر تحديث في: 2025-08-18