الضمير والأمانة أهم من الشطارة رأيكم ايه؟
أنك تتعامل مع شخص عنده ضمير وأمانة ده في رأيي أهم من إنه يكون “أشطر حد “في المجال.
الشطارة مهمة طبعًا لكن الضمير هو اللي بيحافظ على الجودة وهو اللي يخليك تطمن إن الشغل طالع باسمك بالشكل اللي يرضيك.
في موقف حصل قدامي خلاني أتأكد من المعنى ده أكتر.
أوقات بتتعامل مع حد شايف الشغل مجرد مهمة لازم يخلصها وخلاص من غير ما يهتم هل النتيجة فعلًا:
تخدم العميل؟
هل الجودة مناسبة؟
هل ده المستوى اللي يرضيه لو اتحط اسمه عليه؟
وفي نفس الوقت، بتلاقي حد تاني ممكن يكون بيطور نفسه لسه بس عنده حرص حقيقي إنه يطلع أفضل حاجة ممكنة، براجع، يعدّل، ويسأل لحد ما الشغل يبقى مظبوط بجد.
وده اللي بيفرق، التطوير بييجي مع الوقت والممارسة.
لكن الضمير مش بيتعلّم إما موجود أو لأ.
وعشان كده دايمًا بختار أشتغل مع ناس حريصة على الجودة قبل ما تكون بتدور على إنهاء المهمة بس.
شاركوني هل حصل معاكم قبل كده تتعاونوا مع شخص والتجربة دي أثرت عليكم أو ضرت شغلكم؟واتعلمتوا منها إيه؟
ممكن تجربتك تفيد غيرك
آخر تحديث في: 2026-02-25