إزاى تخطط لأفكار محتوى رمضان فى مجال المنتجات عامة 🎒📱
الدرس (٣) من سلسلة خطة محتوى رمضان هنتكلم فيه عن المنتجات عامة 
وأنت هتشوف الأفكار وتظبطها حسب تخصصك وشغلك
وزى ما احنا متفقين إن فى تنوع فى المحتوى بين التعليمى والتفاعلى والبيعى.
نبدأ أولا بأفكار المحتوى التعليمى:
سلسلة عن المنتجات اللى بتقدمها وتوضح فيها المنفعة اللى هتعود على الجمهور لما يشترى المنتج أو الخدمة وهنا تحاول تربط المنفعة دى بتأثيرها على شهر رمضان.
زى لو بتبيع أدوات منزلية زى أوانى طهى تظهر لست البيت إزاى هتساعدها تطلع الطعام بنكهة أحلى وأنها هتبقى احسن شيف وهكذا.
ثانيا محتوى تفاعلى 
:قدم محتوى يكون هدفه التفاعل والمشاركة زى مثلا أنك تسأل جمهورك إيه أكتر منتج اشتروه من منتجاتك ونفعهم ده هيعمل وعى بعلامة التجارية ويخلق تفاعل كبير وهيحقق زيادة المبيعات.مسابقات حسب منتجك زى ما اتفقنا فى البوست اللى فات.وطبعا زى ما اتفقنا متابعة التريند خلال الشهر وتعديل المحتوى باستمرار لاستغلال التريند فى وقته وتحقيق التفاعل منه.
ثالثا المحتوى البيعى 
:العروض الخاصة بمنتجاتك وممكن تعمل مثلا باكيدج خاصة بشهر رمضان يكون فيها مجموعة من المنتجات اللى الجمهور بيشتريها أكتر.
أتمنى تكون الأفكار ساعدتك فى خطة محتواك لمنتجك ومتنساش تشوف السلسلة من الأول اتكلمنا فيها عن مجال المأكولات والخدمات التعليمية وقولى رأيك في التقييمات.
آخر تحديث في: 2025-02-24