إزاى تخطط لمحتوى رمضان لو فاضل إسبوعين ولسه مبدأتش؟🌙
فاضل أسبوعين على رمضان ولسه مبدأتش تجهز محتواك، فالوقت اللي فاضل ده يا إما تشتغل فيه بذكاء يا إما تدخل الشهر وانت بتجري تلحق تنزل أي حاجة
خليني أوضح نقطة مهمة محتوى رمضان مش شكل فانوس وخلاص 
رمضان موسم تسويقي كامل، والتعامل معاه لازم يكون مختلف
ليه محتوى رمضان مختلف؟لأن الناس في رمضان:
أهدى. أقرب لبعض. وبتقضي وقت أطول على السوشيال ميديا.
فطريقة استقبالهم للمحتوى بتتغير.طيب نبدأ منين؟ابدأ بالسؤال ده:
البراند بتاعك هيبقى موجود في رمضان إزاي؟
هل:
بيسهّل يوم الناس؟بيشاركهم أجواء رمضان؟ولا بيحل مشكلة بتظهر أكتر في رمضان؟الإجابة هنا هي اللي بتحدد شكل المحتوى كله.ركّز على الإحساس مش البيع:رمضان مش وقت ضغط مباشر طول الوقت.
المحتوى اللي بيكسب هو اللي:
إنساني.قريب من الناس.وبيبيع من غير ما يحسّسهم إنهم متباع لهم.الوقت ضيق فالتخطيط لازم يبقى أبسط:مش محتاج خطة معقدة، بس محتاج:
تقسيم أسبوعي واضح.
أفكار أساسية جاهزة.
مرونة للتعديل حسب التفاعل.افتكر دايمًا:مش كل براند ينفعله نفس الطريقة.
مطعم غير عيادة، غير براند ملابس، غير كورس أونلاين، الأساس واحد، بس التنفيذ بيختلف.
الخلاصة:لسه في فرصة قوية تلحق تشتغل صح، لكن القرار لازم يتاخد دلوقتي مش بعد إسبوع.
لو محتاج ترتيب أو استشارة لمحتوى رمضان تناسب شغلك اكتب رمضان في رسالة على الواتساب وهبعتلك التفاصيل: https://wa.link/32wzkcوكل سنة وإنتوا طيبين 
آخر تحديث في: 2026-01-31