(٤) أنواع العملاء ونوع المحتوى المناسب لهم:

(٤) أنواع من العملاء أو الجمهور المستهدف، لو عرفت عميلك مين فيهم هتعرف تكتب المحتوى المناسب له.

1️⃣عميل غير واعى بالمرة: #

وهو الشخص اللى مش شايف اصلا ان عنده مشكلة ومحتاج يحلها فهو لا واعى بالمشكلة ولا الحل بشكل عام ولا المنتج.

◀️مثال: منتج منظم الادراج لو قلنا إن الجمهور المستهدف هنا هما السيدات فهنلاقى إن فى نوعيه منهم غير واعيه إن عندها مشكلة فى تنظيم الدولاب أو الادراج ومحتاجة حل يسهل عليها وينظم الدولاب ويريحها.

✅فهنا المحتوى هيكون مركز أنك توضحلها إن عندها مشكلة.

2️⃣عميل واعى بالمشكلة: #

هنا هى عارفه إن الدولاب ملخبط ومبهدل ومحتاج إعادة تنظيم فهى واعية بوجود المشكلة لكن لسه موصلتش لإزاى تحل المشكلة.

✅هنا ببدأ اكلمها عن لو المشكلة دى اتحلت إزاى حياتها هتتغير للأحسن والمنفعة اللى هتعود عليها.

3️⃣عميل واعى بالحل: #

هنا هى واعيه بالحل وبالمنتج اللى هيساعدها فى حل المشكلة، ومحتاجة هنا تعرف أكتر عن مزايا ومواصفات منتجك.

4️⃣عميل واعى بالمنتج: #

هى هنا عارفة منتجك وسامعه عنه، محتاجة CTA واضحة وصريحة وفيها USP (ميزة تنافسية أو نقطة بيع فريدة) تساعدها تأخد الأكشن من عندك.

👈لما بتعرف تحدد نوع العميل بتعرف تكتب المحتوى اللى ماشى مع درجة وعيه.

📍لو قرأت الـدرس وساعدك فى فهم العملاء علشان تكتب المحتوى المناسب لكلا منهم، قولى تقييمك.