(١٥) مصطلح لازم تكون عارف معناهم إيه لو بتشتغل فى مجال التسويق الرقمى:

#

#

#

1- KPI (Key Performance Indicator): #

مؤشر قياس الأداء: لازم تكون محدد مؤشر تقدر من خلاله تقيس وتعرف إذا كانت حملتك نجحت فى تحقيق الهدف منها علشان تتأكد أنك ماشى صح.

يعنى لو كان هدفك إن جمهورك يعمل مثلا Download لكتاب يبقى مؤشرك هيكون العدد الفعلى اللى حمل الكتاب.
لو هدفك كان البيع يبقى هتشوف عدد الأوردرات الفعلى كام.

2- CTA (Call To Action): #

الدعوة إلى اتخاذ إجراء: هو فعل أمر بيحث القارىء على اتخاذ إجراء ما.
ممكن يكون تنزيل كتاب- إرسال رسالة- إجراء مكالمة- شراء المنتج أو الخدمة وغيرها.

3- B2B (Business To Business): #

المعاملات بين الشركات: يعنى توجيه المحتوى أو الإعلان من شركة إلى شركة أخرى.

4- B2C (Business To Customer): #

المعاملات بين الشركات والجمهور المستهدف: هنا بتتعامل الشركة مع الجمهور اللى عايزة يتفاعل مع المنتج أو الخدمة الخاصة بها.

5- SEO (Search Engine Optimization): #

تحسين محركات البحث: هو الطريقه اللى بتجعل موقعك يظهر في الصفحات الأولى من نتائج البحث وبيعتمد على الكلمات المفتاحية Keyword والاهتمام بسرعة الموقع وجودة المقالات وغيرها.

6- Post: #

المنشور: كل ما تقوم بنشره على مواقع التواصل الاجتماعي سواء كان صورة أو نص مكتوب أو فيديو أو أى شكل من أشكال المحتوى.

7- Reach: #

الوصول: عدد الناس اللى الـ Post بتاعك وصلهم وبينقسم الى:

8- Organic Reach: #

الوصول الطبيعى: يعنى إن الـ Post الخاص بك وصل للجمهور من غير محفزات وبيدل على جودة المحتوى اللى أنت قدمته وكل ما كان الـ Organic Reach عندك عالى معناه إن قيمة المحتوى اللى بتنشره عالية.

9- Paid Reach: #

الوصول المدفوع: معناها أنك هتدفع فلوس مقابل نشر المحتوى الخاص بك.

10- Engagement: #

التفاعل: يعنى بتنشر محتوى هدفك منه إن الجمهور يتفاعل معاك سواء بتعليق أو رسالة أو Share.

11- Conversion Rate: #

معدل التحويل: وبتقدر تقيس منه هل المحتوى الخاص بك حقق هدفه؟
يعنى لو أنت كاتب Post الهدف من أنك تقنع الجمهور بشراء المنتج أو الخدمة وبالفعل حصل عندك مبيعات كده يبقى ال Post معدل التحويل الخاص به كويس لاته نجح فى تحويل الجمهور المستهدف إلى عملاء بالفعل.

12- Hashtag (#): #

الهاشتاج: بيسهل عملية تصنيف المواضيع اللى فى نفس المجال وبتحتوى على نفس الهاشتاج وبيزيد من انتشارها والتفاعل معها.

13- Trend: #

التريند: هو اتجاه معين بنستخدمه على مواقع التواصل الاجتماعي لرصد اتجاه الجمهور فى فترة معينة، فبنقول على الحاجة المنتشرة جدا فى فترة معينة وحديث أغلب الناس عنها (دى طالعة تريند).

14- Viral: #

على نطاق واسع: مصطلح بتقوله على المحتوى اللى بينتشر على نطاق واسع وبسرعة وبيعتمد على إن المحتوى تكون فكرته بتجذب انتباه الجمهور فبيزود سرعة انتشاره فى وقت قصير.

15- Boost: #

تعزيز أو زيادة: يعنى تعمل إعلان ممول لمحتوى معين عندك، ومعنى تعزيز أو زيادة جاية من إنك هتزيد من انتشاره.

لو أنت مبتدىء فى المجال والدرس فادك عرفنى من التقييمات واعمل شير علشان تساعد المهتم بتعلم المجال.