يعنى إيه Freelance:

#

#

#

#

✅خلينا نبدأ ب ( يعنى إيه Freelance أو العمل الحر؟ ): #

◀️بنطلق عليه عمل حر لأن الشخص بيعتمد فيه على نفسه فى كل شىء من اختيار المشاريع اللى هيشتغل عليها واختيار العملاء والمكان والوقت اللى هيشتغل فيهم وبالتالى بيعتمد على نفسه تماما فى كسب المال مقابل تقديم خدماته فى تخصص معين دون تدخل شركة أو أفراد آخرين فى أسلوب وطريقة عمله.

✅اقدر ادخل المجال إزاى؟ #

من خلال تعلمك تخصص من التخصصات فى مجال العمل الحر وفى تخصصات كتير زى:

◀️التسويق الرقمى وبيشمل تخصصات كتير.

◀️البرمجة وبتشمل المواقع والتطبيقات.

◀️ تصميم الجرافيك.

◀️الترجمة.

◀️التعليق الصوتى ( Voice-over ).

◀️صناعة الفيديوهات والريلز

◀️تقديم استشارات فى مجال معين، التعليم عن وغيرها من التخصصات.

✅لكن علشان تقدر تكون Freelancer ناجح فى شغلك محتاج تكون عندك مهارات معينة لأنك زى ما قلنا بتعتمد على نفسك بالكامل فى كسب المال ومش بتنتظر مرتب شهرى ثابت من شركة أو شخص معين.

◀️فلازم تتوفر عندك هذه المهارات: #

1️⃣ مهارة إدارة الوقت: #

يعنى لازم تعرف تقسم وقتك كويس لأنك مش ملزم بمواعيد محددة مثل الوظيفة الثابتة وبالتالى محتاج تقسم يومك وخصوصا لو بتشتغل من البيت بين المهام المطلوب تنجزها وتقسيم الوقت ازاى فى حالة العمل مع أكتر من عميل فى نفس الوقت وحياتك اليومية العادية ووقت راحتك وأسرتك.

2️⃣ مهارة البحث: #

لأنك محتاج دايما تكون فى حالة بحث عن أفضل المشاريع اللى هتشتغل عليها لأن أنت المسؤل عن توفير الفرصه لنفسك.

3️⃣ مهارة التفاوض والتواصل مع العملاء: #

معرفة ازاى تتفاوض مع العميل وتقدم نفسك وشغلك بأحسن شكل وإقناعه بذلك، وتعرف ازاى تتعامل معاه فى حالة حدوث أى مشكلة أو خلاف فى تنفيذ المهام المتفق عليها بينكم.

4️⃣ مهارة التسويق الشخصى: #

أنت المسؤل عن تسويق نفسك، لازم يكون عندك خطة واضحة تسوق بها شغلك على وسائل السوشيال ميديا.

5️⃣ مهارة تطوير الذات: #

لأن فى مجال الـ Freelance شغلك بس هو اللى بيخلى أى عميل يتعامل معاك وبالتالى محتاج طول الوقت تكون بتتعلم الجديد فى مجالك وتطور من نفسك.

6️⃣ مهارة القيادة: #

لأن فى بعض المشاريع هتحتاج تتعاون فيها مع أشخاص آخرين فلازم تعرف تتعامل مع باقى أفراد فريقك.

📍لو مهتم تعرف أكتر عن الـ Freelance تدخل المجال من خلال مجالات الديجيتال ماركيتينج وصناعة الفيديوهات والريلز هتلاقى على المنصة كورسات تؤهلك بشكل احترافى:

1- دبلومة الديجيتال ماركيتينج الشاملة.

2- دبلومة التسويق بالمحتوى.

3- كورس إعداد الخطة التسويقية وإدارة البيزنس على السوشيال ميديا.

4- كورس تحرير الفيديوهات وإنشاء الريلز (Video Editing & reel creation).

أتمنى الدرس يكون فادك فى معرفة يعنى إيه فريلانس وأهم المجالات اللى تقدر تشتغل فيها ولو دخلت على المحتوى المرئى هتلاقى فيديو على قناة اليوتيوب بوضح فيه بالتفصيل كل ما يخص الفريلانس من مميزات وعيوب وشرح المجالات بالتفصيل وفى انتظار التقييم