مش عارف اجيب شغل وبدأت افكر مكملش فى المجال:

الدرس طويل شويه لكن لعله يكون سبب فى توضيح الطريق للبعض لأن الكلام ده بشوفه كتير على جروبات الديجيتال ماركيتنج فأتمنى يفيدك وتقولى رأيك فى التقييمات🙏

🎯أنك تلاقى شغل أو تحصل على عميل فى مجال فيه منافسة كبيرة جدا زى الديجيتال ماركيتنج أمر محتاج ترتيب وصبر وسعى جامد مش هضحك عليك وأقولك أنه تأخد كورس وتانى يوم لما تخلصه تشتغل.

✅طيب محتاج اعمل ايه، ندخل فى الكلام العملى علشان تبقى عملت اللى عليك وآخر السعى جبر من ربنا أكيد وده عن تجربة حقيقية💯

1️⃣محتاج تكون متمكن من الخدمة: #

اللى أنت بتقدمها وهنا مش قصدى متمكن يعنى Senior قصدى أنك تكون دارس بالفعل الخدمة وفاهمها مش بتشتغل بشكل عشوائي من خلال كام فيديو شوفته أو بوستس قرأتها❌

2️⃣حاول تطبق الخدمة اللى بتقدمها: #

حتى لو مع نفسك ده هيساعدك تجهز Portfolio وتكتسب الثقة والخبرة وميكونش شغلك مع العميل اول تجربة✍

3️⃣تشوف السوق محتاج إيه دلوقتي: #

فى الشغل لأن المجال فى تغير باستمرار وتحاول تكون بتقدم خدمات مطلوبة وتزود مهاراتك بحيث تكون أنت المكسب لأى عميل ووقتها هتقدر تزود من البادجيت اللى بتاخدها💵

⚠️علشان كده قدمت دلوقتي كورس: #

إزاى تصنع ريلز احترافية❓ #

• لأن الـ Reel Creator أكتر Title مطلوب دلوقتي لو مهتم ابعت على الواتساب اسأل عن الراوند الجاية🎞

4️⃣لازم تتعلم تعمل Personal Branding: #

لنفسك أنت هنا علامة تجارية محتاجة تسويق، يعنى إزاى الشركات أو العملاء هيعرفوك وأنت قاعد في حالك وساكت والنقطة دى جواها تفاصيل كتير زى أنك:

👈تنزل محتوى باستمرار فيه معلومات عن خدمتك.

👈يكون عندك حساب على موقع لينكدان دى المنصة الأولى للشغل وأنا عاملة فيديو تفصيلى عن إزاى تنشىء حساب احترافى على لينكدان لو عايز اللينك عرفنى.

👈تكون بتعرف تسعر شغلك كفريلانسر وتقدم السعر ده فى Proposal بشكل بروفيشنال مش تبعت رسالة للعميل على الواتساب بالتكلفة، التفاصيل دى مع العملاء والشركات وبتبين أنك شخص فاهم.

👈قدرتك على اختيار العميل المناسب لأن مش كل العملاء ممكن يكونوا إضافة بالعكس ممكن عميل يأخد من وقتك وطاقتك.

5️⃣حاول تبنى شبكة علاقات مع زمايلك: #

فى المجال متبقاش منعزل، أكتر التيم اللى بيساعدنى فى الشغل اتعرفت عليهم أونلاين وده تقدر تعمله من خلال التفاعل معاهم على المحتوى اللى بينزلوه وعرض تجربتك وخبرتك ممكن بعد فترة تلاقى حد بيرشحك أو يعرض عليك تمسك معاه شغل فى خدمتك وهو بيقدم خدمة تانية فتساعدوا بعض وتستفيدوا أنتوا الأتنين 🧑‍🤝‍🧑

✅دى كانت أهم النقاط اللى حبيبت اشاركها معاكم واللى أنا بالفعل اعتمدت عليهم فى شغلى ولازم تبقى عارف إن الاستمرارية مهمة جدا والصبر ثم الصبر أنا بقولك بمنتهى الوضوح والأمانة الموضوع بيأخد وقت ولكن بأكدلك أنك لو عملت اللى عليك هتلاقى نتيجة💢

✅فكر فى الكلام اللى قلته وحاول تطبقه علشان تكون عملت اللى عليك قبل ما تقول مش عايز اكمل فى المجال.

📍ولو عايز تبدأ بشكل منظم بشكل منظم وتتعلم أكتر من مهارة فى:

Digital Marketing & Video Editing & Reel Creation. #

• وتطبق عملى وتجهز Portfolio وتتعلم إزاى توصل للعملاء والشركات هتلاقى على المنصة أكتر من كورس بيساعدك تتعلم مجال الديجيتال ماركيتينج وتدخل سوق العمل:

1️⃣دبلومة الديجيتال ماركيتينج الشاملة.

2️⃣دبلومة التسويق بالمحتوى.

3️⃣كورس إعداد الخطة التسويقية وإدارة البيزنس على السوشيال ميديا.