كيف يساعدك تقويم المحتوى الـ (Content Calendar) على تحقيق أهدافك التسويقية ❓

من أكتر الأسئلة اللى بتتسأل فى كتابة المحتوى وتوضحيها بسيط جدا.

ولو أنت بتكتب محتوى بشكل احترافى لازم تكون عارف إزاى، وده اللى هوضحولك فى الـدرس بالتفصيل.

✅نبدأ بتعريف إيه هو بالظبط تقويم المحتوى: #

👈هو تخطيط بيساعدك على إدارة المحتوى من حيث تنظيمه ونشره.

👈مكون من (٤) نقاط بيتم تحديدهم فيه: #

1️⃣موضوع المحتوى (الفكرة اللى بتتكلم عنها).

2️⃣نوع المحتوى (مقال- بوست مكتوب- فيديو- انفوجرافيك وغيرها من أنواع المحتوى).

3️⃣القناة اللى هيتم النشر فيها.

4️⃣تاريخ النشر (اليوم والساعة اللى هيتم النشر فيها وبيختلف على حسب القناة التسويقية).

✅ليه بنعمل تقويم للمحتوى أو إيه الفائدة اللى هتعود علينا من تقويم المحتوى ❓ #

1️⃣بيساعدك يكون محتواك منظم ويكون بشكل أفضل من خلال تحديد الـ ٤ نقاط السابقة.

2️⃣بيساعدك على النشر بانتظام لأن عندك مواعيد محددة وده بيساعدك على الاستمرار.

3️⃣بيوفرلك وقت وجهد لأنك مخطط ومنظم محتواك.

✅طيب إزاى تنشأ Template لتقويم المحتوى تشتغل عليها❓ #

👈هقولك على أدوات مجانية تقدر تستخدمها:

1️⃣برنامج Microsoft Excel أو Google Sheets: #

وده تقدر تصمم عليه Template خاصة بيك بالشكل اللى يريحك.

2️⃣ولو عايز Tools بتقدم Templates جاهزة ممكن تستخدم: #

👉Trello:
(أنا شخصيا بستخدمه كتير فى شغلى) #

👉Canva:
(هيساعدك من خلال Templates جاهزة وفيه كمان Content Planner). #

📍لو قرأت الـدرس وساعدك فى فهم تقويم المحتوى ممكن تعمله Share علشان تساعد المهتمين بالمجال، وعرفنى رأيك فى التقييمات.

📍ولو عايز تطبق بشكل عملى تقويم المحتوى وغيره من العناصر الأساسية فى الـ Content Strategy، بيكون من خلال التدريب العملى فى كورس كتابة المحتوى التسويقى للسوشيال ميديا، لو عايز تعرف التفاصيل شوف الكورس على المنصة.