سلسلة إزاى تكتب عناوين تجذب الانتباه الدرس الأول (عناوين تبدأ ب (كيف – إزاى)؟

الفترة اللى فاتت ناس كتير بعتت تقولى أنها مش عارفه تجبب أفكار وعناوين تجذب انتباه الجمهور المستهدف.

✅ حاولت أجمع طرق أفكار بعناوين بتجذب الانتباه هنزلها فى سلسلة جديدة لينا زى ما متعودين مع بعض.
✅ هتقدر تشوف الأفكار وتحاول توظفها وتعدل فيها وتطبقها على المحتوى اللى بتكتب فيه.

كيف تكتب محتوى يؤثر فى الجمهور ويحقق الهدف منه؟ #

✅ الـدرس الأول فى السلسلة الجديدة #Creative_Ideas

هنتكلم عن العناوين اللى بتدأ بكيف علشان كده عنوان الـدرس كان كيف.

✅ أولا خلينا نوضح إن (٨٠%) من جمهورك بيقرأ العنوان و (٢٠%) فقط اللى بيكمل قراءة إذا لفت انتباه العنوان والفكرة الموضحة به.

✅ ومن الأسباب الرئيسية اللى لازم تكون موجودة فى العنوان والمحتوى اللى بتقدمه بشكل عام هى:

• أنه يكون بيخاطب المشاعر لأن المحتوى اللى بيحتوى على مشاعر بيأثر فى الجمهور وبيتذكره دائما وبيكون دافع ليهم على التفاعل معاه أو اتخاذ قرار الشراء لو كان الهدف منه البيع.

🎯أول طريقة هنوضحها ممكن نكتب بها العنوان ونصيغ الفكرة كلها من خلالها هى (الأفكار اللى بتشرح وتوضح إزاى تعمل الحاجة اللى المحتوى بتاعك بيتكلم عنها).

✅ هنطبق بأمثلة على مجالنا وهو كتابة المحتوى:
1️⃣ كيف تكتب محتوى يؤثر فى جمهورك فى (٥) خطوات؟ #

• هنا هتصيغ الفكرة فى List يعنى هتعددهم فى نقاط والنوعية دى بتشجع الجمهور جدا على استكمال القراءة لأنه بيبقى عارف إن البوست محدد.

2️⃣ كيف تكتب محتوى يؤثر فى جمهورك بخطوات سهلة وبسيطة؟ #

• هنا بتشجعه على استكمال القراءة لأنك لعبت على مشاعر الراحة فى كلمة (سهلة وبسيطة).

3️⃣ كيف تكتب عنوان يجذب الانتباه ويساعدك فى كتابة فكرتك؟ #

• هنا لعبت على مشاعر إنى طمعته لأنه لو استكمل قراءة هيحصل على منفعتين عنوان يجذب الانتباه وكمان هيساعده فى كتابة جسم المحتوى الخاص بالفكرة.

✅ ممكن تستخدم (إزاى) بدل (كيف) الأتنين بيوصلوا نفس المعنى.

4️⃣ إزاى تكتب محتوى للسوشيال ميديا حتى لو أنت لسه مبتدئ؟ #

♥️أتمنى تكون الفكرة وضحت وفى انتظار تقييمك.