إزاى تكتب محتوى للعقارات؟

لما تكتب محتوى فى أى مجال لازم تدرس كويس جمهورك المستهدف وهنتكلم عن مجال العقارات لازم تعرف العملاء المحتملين عايزين إيه وإيه هى دوافع الشراء عندهم علشان تعرف تقدم لكل منهم المحتوى المناسب اللى يشجعه على أخد الأكشن👌

👈لو بتكتب محتوى لكمبوند سكنى العملاء المحتملين عندك هينقسموا إلى: #

1️⃣شريحة بتدور على الـ Community و Lifestyle معين ودى هتركز فى محتواك معاهم على المساحات الخضراء والبحيرات والأمن والأنشطة الترفيهية زى الـ Gym – Pool والنوادى وغيره.

2️⃣شريحة عايزة تحسن من مستواها والانتقال إلى مجتمع سكنى أفضل وتعبت على ما وصلت لقيمة الوحدة السكنية ودى هتركز معاهم على نظام الدفع والتسهيلات المتاحة والمقدم ودفعة الاستلام والدفعات السنوية وغيره.

3️⃣شريحة عايزة تشترى بغرض الاستثمار ودى هتركز معاها على مميزات الموقع الجغرافى للكمبوند وإزاى سعر الوحدة هيرتفع السنوات القادمة.

✅فى الآخر مهم جدا تدرس شخصية المشترى فى أى شريحة من جمهورك المستهدف علشان تعرف تكتب المحتوى المناسب مع احتياجات البيرسونا وتحقق المبيعات.

⚠️لو الدرس فادك فى مجال العقارات عرفنى فى التقييمات.

📍ولو مهتم بدراسة كتابة المحتوى وعايز تعرف تكتب لأى بيزنس انضم معانا لكورس الديجيتال ماركيتنج بتدرس فيه كتابة المحتوى التسويقى للسوشيال ميديا بالتفصيل بالإضافة إلى (٤) أجزاء رئيسية أخرى فى الديجيتال ماركيتنج.