إزاى تخطط لأفكار محتوى رمضان فى مجال المأكولات ❓🍗🥩
لو أنت صاحب مطعم أو ماسك شغل لعميل فى مجال المأكولات عموما الدرس ده مهم جدا ليك
بعد ما اتكلمنا الدرس اللى فات عن أهم خطوات التخطيط لمحتوى رمضان على السوشيال ميديا لعلامتك التجارية، هساعدك أكتر واقولك على أهم الأفكار اللى تساعدك فى خطة المحتوى وهنبدأ:
بمجال المطاعم والمأكولات لأنها من أكتر المجالات اللى عندها فرصة كبيرة فى زيادة التفاعل والمبيعات خلال شهر رمضان
أولا خطة المحتوى لازم يكون فيها تنوع فى المحتوى بين التعليمى والتفاعلى والبيعى.
نبدأ بأفكار المحتوى التعليمى وأنت تظبطها حسب شغلك، وهنا جمهورك المستهدف أغلبيته من السيدات:
سلسلة عن أفكار وجبات متكاملة.فوائد بعض المكونات المستخدمة فى الأكلات الرمضانية.وصفات أكلات فى فيديوهات.أكلات مختلفة بدون لحوم فى آخر الشهر.التنوع بين الحلو والحادق.
ثانيا المحتوى التفاعلى 
:مسابقات مختلفة عن مثلا أغرب وصفة عملتيها وطلعت حلو ودايما يكون فى فائز وجائزة خصم مثلا على الفطار فى المطعم.استفتاء عن الأكلات المفضلة فى رمضان.متابعة التريند خلال الشهر وتعديل المحتوى باستمرار لربطه لاستغلال التريند فى وقته وتحقيق التفاعل منه.
ثالثا المحتوى البيعى 
:عروض الفطار المختلفة علشان تناسب أكتر الشرائح مع التركيز على ميزات تنافسية زى الأجواء الرمضانية اللى الجمهور بيحبها.بما إن عيد الأم السنة دى جاى فى شهر رمضان اعمل عرض مخصص للأمهات فى اليوم ده فقط.خصومات خاصة على الطلبات الجماعية زى فطار الشركات.
أتمنى تكون الأفكار ساعدتك فى خطتك وطبعا هيكون فى أفكار تانية عادية، قولى رأيك فى التقييمات وانتظر الدرس الجاى عن بيزنس تانى.
آخر تحديث في: 2025-02-24