إزاى اكسر رهبة أول عميل؟

لو سمحتى أستاذة جيلان عاوزين نعرف نصايح إزاى نكسر الرهبه بتاعة أول عميل أو أول تجربة شغل او لو حضرتك تحكيلنا أول مرة لحضرتك كانت إزاى لو تفضلتى؟

✅السؤال ده من جروب المشتركين في الكورس، وده سؤال مهم بيشغل تفكير أى متدرب علشان كده هساعدك فى إجابته فى نقاط محددة.

👈تكون طبقت بنفسك: #

أثناء مذاكرتك لأن فيه فرق بين معرفة المعلومة وتطبيق المعلومة ودى بيرجعنا لازم تتأكد إن أى كورس هتاخده يكون تطبيق عملى لأن الشغل بإيدك أكتر عنصر بيكسر الرهبه وبيبقى شغلك مع العميل مش أول تطبيق🧑‍💻

👈ظبط الـ Portfolio: #

لأن دى واجهتك مع العميل وأنت اصلا لما بتظبط البورتفليو بتحس بثقة أنك اشتغلت النماذج الموجودة فيه📕

👈اوعى تقلل من قيمة شغلك: #

علشان مبتدأ مدام فاهم ودارس يبقى تتواصل مع العميل بثقة وتتكلم معاه بشكل بروفيشنال وانك هتقدمله Value💯

👈التواصل مع العميل له أساسيات بتدى خدمتك طابع احترافى: #

زى أنك تبعت التكلفة فى Marketing Proposal مش رسالة على الواتساب، عرض السعر بيشمل تفاصيل الخدمة اللى هتقدمها وتكلفتها علشان الأمور واضحة للطرفين🤝

👈وأهم نقطة أنك تسعى: #

وتعمل اللى عليك بمعنى بعد ما ظبطت النقاط السابقة تعمل اكونت على LinkedIn وتنزل محتوى عن خدمتك وتتواصل مع الوظائف اللى بتنزل✍

👈تنضم لجروبات الديجيتال ماركيتنج: #

وتبدأ ترد على الاستفسارات لو حد بيسأل علشان تتعرف ولو عايز يحد يقدمه خدمة تتواصل معاه بشكل بروفيشنال👍

👈ومن الطرق اللى بتجيب شغل فى الأول وأنا شخصيا مسكت شغل من خلالها دايرة المعارف: #

أكيد حد معارفك عنده أى بيزنس ومحتاج إدارة للبيزنس على السوشيال تعرض عليه تمسك شغل وده بمقابل أنا لا اشجع الشغل المجانى تماما ممكن مقابل معقول💵

👈متخافش طول ما أنت خايف عمرك ما هتبدأ: #

مدام الأساسيات موجودة يبقى توكل على الله وثق إن ربنا مش بيضيع مجهود وسعى حد ولكن متستعجلش النتيجة سيب الوقت والتوفيق لاختيار ربنا لأنه هيكون الوقت المناسب⏰

👈وخليك متأكد إن الخبرة بتيجى من كتر الممارسة: #

فطول ما أنت مبتدأتش هتفضل فى نفس المكان وكل خطوة بتجيب خطوة واللى متعرفوش ادخل على اليوتيوب وابحث عنه وهتقدر تعرفه بالتفصيل كده أنت بتنمى مهاراتك💪

⚠️طولت عليك لكن كنت عايزة اوضحلك واساعدك على قد ما اقدر واتمنى تقولى رأيك فى التقييمات.

📍ولو أنت محتاج تدريب وتطبيق بشكل أكبر هتلاقى على المنصة أكتر من كورس بيساعدك تتعلم مجال الديجيتال ماركيتينج وتدخل سوق العمل:

1️⃣دبلومة الديجيتال ماركيتينج الشاملة.

2️⃣دبلومة التسويق بالمحتوى.

3️⃣كورس إعداد الخطة التسويقية وإدارة البيزنس على السوشيال ميديا.