وإحنا على أبواب سنة جديدة، حابة أشارككم جزء من رحلتي يمكن يكون سبب بداية لحد فيكم، وفرصة إنكم تعرفوني أكتر 🤍

أنا جيلان محمد محمود، خريجة إعلام القاهرة قسم علاقات عامة وإعلان.

بعد التخرج اشتغلت في شركة كبيرة في مجالي لمدة 10 سنين، ومع ظهور السوشيال ميديا بدأت ألاحظ إن السوق بيتغير، وإن التسويق الإلكتروني بقى عنصر أساسي لا يمكن تجاهله.

من هنا بدأت رحلة التعلم، درست Digital Marketing من مصادر كتير مدفوع ـ مجاني ـ أونلاين ـ أوفلاين ـ ومنصات عربية وعالمية، لحد ما قدرت أربط بين دراستي الأكاديمية والخبرة العملية، وهنا بدأت رحلتي كـ Freelancer وبقى شغلي الأساسي فريلانس🧑‍💻

وأهم نقطة اتعلمتها وعايزة أوصلها لأي حد لسه بيبدأ:

التخصص ضرورة، لأنه بيمنع التشتت في الأول👌

الديجيتال ماركتينج مجال واسع جدًا، ومينفعش تبقى شاطر في كله مرة واحدة.

اخترت أتخصص في كتابة المحتوى Content Creation، وبنيت نفسي خطوة بخطوة، واشتغلت فريلانس من خلال مواقع العمل الحر العربي والأجنبي، وقدرت أشتغل على مشاريع حقيقية وأبني Portfolio قوي مش مجرد شهادات📕

ومع الوقت، وبسبب فهمي لباقي تخصصات الديجيتال ماركتينج، بدأت أمسك إدارة السوشيال ميديا كاملة لأكتر من بيزنس في مجالات مختلفة، وكونت Team في تخصصات زي:

Graphic Design ـ Video Editing.

ومن هنا انتقلت لمرحلة جديدة مرحلة التدريس والتدريب، وبقيت Trainer مع أكتر من منصة تعليمية، وقدمت كورسات أونلاين وأوفلاين حضرها متدربين كتير، والحمد لله عدد كبير منهم اشتغل فعليًا بعد التدريب🧑‍🏫

💚ومن أكتر اللحظات اللي بعتز بيها:

👈إنى رجعت كليتي إعلام القاهرة بعد أكتر من 15 سنة من التخرج، مرة كمحاضِر في ورشة عن كتابة المحتوى، ومرة كعضو تحكيم في لجنة تخصيص الأقسام.

👈وكمان دخولي الجامعة الكندية CIC كلية الإعلام كمدرب لكورس السوشيال ميديا.

🎯ومع تطور الرحلة، أسست منصة Content With Gilan علشان تكون مكان منظم، واضح، وبعيد عن اللخبطة لأي حد حابب يتعلم الديجيتال ماركتينج وصناعة المحتوى بشكل عملي.

المنصة عليها مكتبة مجانية ضخمة جدًا وكورسات في الديجيتال ماركتينج تساعدك تتعلم من الصفر لحد الاحتراف💯

✅ومع استمرار التعلم والتحديث المستمر، كان طبيعي أبدأ أركز بشكل أعمق على أدوات الذكاء الاصطناعي (AI)، لأنها بقت جزء أساسي من شغل الديجيتال ماركتينج وصناعة المحتوى.

الفترة اللي فاتت بدأت أذاكر وأجرب أدوات الـ AI بشكل عملي، وإزاي نستخدمها صح في:

كتابة المحتوى، إدارة السوشيال ميديا، توليد الفيديوهات، إنشاء شخصيات كرتونية وإزاى تساعدنا فى توفير الوقت والمجهود علشان نزود إنتاجنا💪

وحاليًا بجهز خطوة مهمة جدًا، وهي كورس قوي في الذكاء الاصطناعي، هدفه يساعد عدد كبير من الناس يتعلموا استخدام أدوات الـ AI بشكل عملي، يطوّر شغلهم، ويفتح لهم فرص شغل ومصادر دخل حقيقية مواكبة لسوق العمل الحالي بإذن الله💵

◀️طيب كان في صعوبات؟

طبعًا، وأكترهم كان التشتت في البداية، وبذل مجهود كبير في التعلم الذاتي وعلشان كده دايمًا بنصح بالتخصص.

بس اللي فرق فعلًا الصبر ـ طولة البال ـ والثقة في ربنا، وإني ماقارنش بدايتي بموسم حصاد غيري🙏

💠نصيحتي ليك مع بداية سنة جديدة:

♦️مجال الـ Digital Marketing وفر فرص شغل حقيقي استغلها.

♦️الفريلانس محتاج مهارة وصبر، مش نتائج سريعة.

♦️متصدقش إن كورس واحد هيغير حياتك في إسبوع وإنك هتقبض تاني يوم بالدولار.

♦️ابدأ بما هو متاح ليك دلوقتي، حتى لو مجاني.

♦️اهتم بالبورتفليو أكتر من الشهادات.

⛔والأهم ابدأ ومتستناش الظروف المثالية.

“عندما تقرر أن تبدأ الرحلة، سيظهر الطريق.” مقولة لجلال الدين الرومي أنا مؤمنة بيها جدًا.

❤️سنة جديدة على الأبواب أتمنى تكون بداية حقيقية لكل واحد لسه متردد.

وكل سنة وأنتم أقرب لأحلامكم🤲

💬شاركوني:

قولى إيه أكتر درس اتعلمته السنة اللي فاتت؟

يمكن تعليقك يكون سبب بداية جديدة لحد غيرك 🤍

📌ولو محتار تبدأ منين في الديجيتال ماركتينج أو صناعة المحتوى، اكتب في كومنت “خارطة طريق” وأنا هوجّهك لمصادر مجانية تناسبك وتساعدك تبدأ صح.

#Content_With_Gilan #New_Year_2026